धन कमाउन मलेसिया आएका ठाकुर र बोगटी स्वदेश फर्किए ह्वीलचियरमा।

समाचार

धन कमाउने मीठो सपना बोकेर वैदेशिक रोजगारमा गएका सबै नेपालीका सपना पुरा हुन सकेका छैनन् । परिवार र आफ्नो राम्रो भविष्यका लागि वैदेशिक रोजगारका लागि मलेसिया गएका बाजुराका मदन बोगटी र जनकपुरका धिरेन्द्र ठाकुर धन बोकेर होइन आफै ह्वीलचियरमा बोकिएर स्वदेश फर्किएका छन् ।

पैसा कमाउन त परै जाओस् भएको पैसा रित्याए अनि जीवनभरका लागि घाइते बनेर उनीहरु स्वदेश फर्किए । अपाङ्ग झैं बनेर ह्वीलचियरमा फर्कनुपर्दा वैदेशिक रोजगार बोगटी र ठाकुरलाई अभिसाफ बन्यो ।

प्रवासी भूमीमा नै अपाङ्ग बन्नु पर्दा उनीहरुलाई धेरै समस्या पर्यो । आफुले काम गर्ने कम्पनीले कुनै उपचार नगरिदिदा गैरआवासीय नेपाली संघ उनीहरुका लागि भगवान बनेर आयो । बोगटी र ठाकुरलाई नेपाली दूतावास मलेसियाको समन्वयमा एनआरएनए मलेसिया र एनआरएनए आइसीसीले संचालन गरिरहेको ‘एनआरएनए कोभिड–१९ राहत तथा उद्धार कार्यक्रम’ अन्तर्गत स्वदेश फर्काउन सफल भएको हो ।

५ बर्ष पहिला सुरक्षा गार्डका लागि मलेसिया पुगेका बोगटी काममा जाँदा दुर्घटनामा परेर घाइते बने । उनले आफ्नो कम्पनी छोडेर गैरकानूनीढंगले काम गरिरहेका थिए । ‘ड्युटीमा जाँदा एक्सिडेण्ड परेर मेरो खुट्टा भाँचियो’ उनले भने–‘कम्पनीले उपचार गरेन, आफुसँग भएको पैसा पनि सकियो, त्यसपछि त झन बिचल्लीमा परियो ।’

जोहोरबारुमा कार्यरत उनलाई एनआरएनए मलेसियाको स्वंमसेवकले भेटाएर राहत उपलब्ध मात्र गराएनन् नेपाली दूतावास क्वालाम्पुरसम्म ल्याएर झण्डै एक महिना एनआरएनको आफ्नै सेल्टरमा राखे । ‘हामीले सेल्टरमा राखेर खानबस्नदेखि नेपाल जानका लागि हवाई टिकट उपलब्ध गरायौं’ एनआरएन मलेसियाका अध्यक्ष हरि भट्टराईले भने ।

Leave a Reply

Your email address will not be published. Required fields are marked *