प्रधानमन्त्री ओलीका कारण ‘कपिल शर्मा शो’ फ्लप !

समाचार

काठमाडौ । नेपाल कम्युनिष्ट पार्टी (नेकपा) अनौपचारीक रुपमा विभाजन भएपछि अहिले दुई पक्षका नेता एक अर्का विरुद्ध आरोप प्रत्यारोपमा उत्रिएका छन् । प्रधानमन्त्री केपी शर्मा ओलीको एक समुह छ भने पुष्पकमल दाहा प्रचण्ड र माधव कुमार नेपालको अर्को समुह छ । दुवैले आफ्नो समुह नै वास्तविक नेकपा भन्दै दावी गरेका छन् । प्रधानमन्त्री ओलीले संसद विघटन गर्ने निर्णय गरेपछि नेकपा अनौपचारीक रुपमा विभाजन भएको हो ।

पार्टी विभाजन भएपछि प्रधानमन्त्री ओली निकै आक्रामक रुपमा प्रस्तुत भएका छन् । उनका अभिब्यक्ति अहिले चर्चित भएका छन् । कतिपय अवस्थामा ओलीले पदिय मर्यादा समेत नाघेर तुच्छ टिप्पणी गरेको भन्दै सामाजिक सञ्जालमा आलोचना भइरहेको छ । यसैबी अध्यक्ष पुष्पकमल दाहाल ‘प्रचण्ड’ र माधव कुमार नेपाल पक्षका नेतृ बिना मगरले प्रधानमन्त्री केपी ओलीले ‘कपिल शर्मा शो’लाई फ्लप गरेको बताएकी छिन् ।

कञ्चनपुरको बेलौरी उद्योग वाणिज्य संघको सभाहलमा आयोजित एक कार्यक्रमलाई सम्वोधन गर्दै उनले यस्तो बताएकी हुन् । हास्यव्यङ्ग्य तर्क दिदै सोसल मिडियामा भाइरल भइरहेका प्रधानमन्त्री ओलीले ‘कपिल शर्मा शो’ लाई समेत यतिबेला फ्लप गरिसकेको टिप्पणी मगरले गरेकी छन् ।

भेलालाई सम्बोधन गर्दै उनले भनिन्, ‘नागरिकमाथि कुठाराघात गर्दै प्रधानमन्त्रीले असंवैधानिक तरिकाले प्रतिनिधि सभा विघटन गराउनुभयो । यस्तो तानाशाही प्रवृत्तिलाई नागरिकले चाँडै परास्त गर्नेछन् । प्रधानमन्त्री र उहाँका आसेपासेहरूको भविष्य अब धेरै लामो समय छैन ।’ पूर्व खानेपानी मन्त्री समेत रहेकी मगरले प्रधानमन्त्री ओलीको तानशाही प्रवृत्तिलाई जनताले चाँडै परास्त गर्ने समेत दावी गरेकी छन् ।

Leave a Reply

Your email address will not be published. Required fields are marked *